რჩეული სიახლეები

დღის ვიდეოები

  • ნახე ყველა
  • სტატიები

  • ნახე ყველა
  • „იმდენად ბედნიერი აღმოჩნდა ეს რიცხვი ჩემთვის, რომ აუცილებლად პირადად უნდა მივულოცო ყველას, ვინც 41 წლის გახდება“ - აუჩემებია თურმე ბიძინას. ამჟამად მიმდინარეობს სტატისტიკური მუშაობა და შესაბამისი სამსახურები ცდილობენ დაადგინონ მთელი საქრთველოს მასშტაბით რამდენ ადამიანს შეუსრულდება წელს 41 წელი. მოგეხსენებათ, წლევანდელი წელი ბიძინა ივანიშვილის თქმით, ყველაზე მაგარი წელი უნდა ყოფილიყო და წლის დასაწყისიდანვე, ეს უკვე იგრძნობა. ყველა ვხედავთ, როგორ იწყებს აყვავებას ჩვენი ქვეყანა და შარშანდელისგან, შარშანწინდელისგან და იმის წინდელისგან განხსვავებით, როგორ იღიმის, იცინის და უდარედელი ხდება ქართველი ხალხი. სოციალური კეთლდღეობა სახეზეა და უკვე ადამიანებმა აღარ იციან როგორ დაგეგმონ თავისუფალი დრო, ანუ სად და რაში დახარჯონ დანაზოგი ფული. ფაბრიკა-ქარხნები იმდენად ბევრია უკვე, რომ გამალებით ითხოვენ და ვერ შოულობენ მუშა-ხელს. საწარმოთა დირექტორები ეხვეწებიან ხალხს - მოდით, დაგასაქმებთ და მაღალ ხელფასებს გადაგიხდითო, მაგრამ ყველა დასაქმებულია, ყველას აქვს სამსახური და ყველა კმაყოფილია შრომის პირობებითა და ანაზღაურებით და არავის სურს სამსახურის შეცვლა. მოკლედ, „ოცნება“ რასაც შეგვპირდა ჯერ 2012-ის, შემდეგ კი 2016-ის არჩევნების წინ, ყველაფერი გადაჭარბებით შესრულდა. ყველაფერს რომ თავი დაანებო, დენის, გაზის ტარიფები ისეა შემცირებული, მოსახლეობა შეურაცხყოფილად გრძნობს თავს - „რა იყო, მათხოვრები ხომ არ ვართ ასე ცოტას რომ გვახდევინებთო?“ ყოველივე ამის გამო საოცრად კმაყოფილი ყოფილა ჩვენი ქვეყნის ყველაზე დიდი ქველმოქმედი, ჩვენი კეთილი მილიარდერი, ჩვენი ყოფილი პრემიერ-მიონისტრი, ჩვენი მამა-მარჩენალი და ჩვენი ქვეყნის დღევანდელი ფაქტობრივი მმართველი და საერთოდ - ჩვენი ყველა და ყველაფერი ბატონი ბიძინა ივანიშვილი. როგორც ჩვენი არასანდო წყარო გვატყობინებს, ბიძინა ივანიშვილის იმდენად კარგ ხასიათზეა, რომ აპირებს სიიურპრიზი გაუკეთოს ყველას, ვისაც მიმდინარე წლის განმავლობაში 41 წელი შეუსრულდება და ყველა მათგანს თითო მილიონი ლარი აჩუქოს. „იმდენად ბედნიერი აღმოჩნდა ეს რიცხვი ჩემთვის, რომ აუცილებლად პირადად უნდა მივულოცო ყველას, ვინც 41 წლის გახდება“ - აუჩემებია თურმე ბიძინას. ამჟამად მიმდინარეობს სტატისტიკური მუშაობა და შესაბამისი სამსახურები ცდილობენ დაადგინონ მთელი საქრთველოს მასშტაბით რამდენ ადამიანს შეუსრულდება წელს 41 წელი. როგორც ამბობენ, ივანიშვილს როდესაც მოახსენეს, სავარაუდოდ, რამდენი ადამიანი ხდება წელს 41 წლის და რა თანხა შეიძლება მას დაეხარჯოს ამ სურვილის ასასრულებლად, ცოტა კი შეყოყმანებულა, მაგრამ სიტყვის გატეხვა მაინც არ სურს და გამოსავალს ეძებს. მაგალითად, მას უთქვამს, კარგი, მაშინ იუბილარ მამაკაცებს მილიონს მივცემ და იუბილარ ქლებს ნახევარ მილიონსო - მაგრამ როგორც კი ეს წარმოთქვა, მას იმ წამს ბაია პატარაიას აჩრდილი გამოეცხადა და სულ „დიკრიმინაცია!“ „დისკრიმინაცია“ - ო გაიძახოდა! ამიტომ ბიძინა შეშინდა და ეს ქალთა დისკრიმინაციული ჩანაფიქრიც გადაიფიქრა. ახლა ბიძინას ერთი და ნაცადი გამოსავალიღა დარჩა, ადგეს და განაცხადაოს - „არა, კაცო რა მილიონის დარიგება დაბადების დღეზე, რა სისულელა, მე ვთქვი ეგ? აჰ, თუ ვთქვი ესე იგი წამომცდა. რა მოხდა ადამიანები ვართ და ზოგჯერ რაღაცა წამოგვცდება ხოლმეო“.
    აშშ-ის ახალარჩეულმა პრეზიდენტმა დონალდ ტრამპმა დაადასტურა, რომ ამერიკა-მექსიკის საზღვარზე კედლის აშენებას გეგმავს.

    ამის შესახებ მან ტელეკომპანია CBS-თან საუბრისას განაცხადა.

    ინტერვიუ ეთერში ჯერ არ გასულა, თუმცა ტელეკომპანიამ გაავრცელა ანონსი, სადაც ტრამპი აცხადებს, რომ აშშ-დან 3 მილიონი მიგრანტის დეპორტირებაც მოხდება.

    "იმ ადამიანების დეპორტაციას ვაპირებთ, ვინც დამნაშავეები არიან და კრიმინალური წარსული აქვთ, არიან ნარკოტიკებით მოვაჭრეები და სხვადასხვა ბანდის წევრები. ასეთი ადამიანების რაოდენობა 2-3 მილიონია. ჩვენ ან მათ დეპორტაციას მოვახდენთ ან ციხეში ჩავსვამთ", - განაცხადა დონალდ ტრამპმა.
    24-25 იანვარს საქართველოში ყინვებია მოსალოდნელი. სინოპტიკოსები ქვეყნის მაღალმთიან რაიონებში -22 გრადუსამდე ყინვას პროგნოზირებენ.
    გარემოს ეროვნული სააგენტოს მონიტორინგის და პროგნოზირების ცენტრის სამმართველოს ხელმძღვანელის დოდო გვაზავას ინფორმაციით, 24 და 25 იანვრის დღის პირველ ნახევარში, საქართველოში უნალექო ამინდი შენარჩუნდება, თუმცა ღამით ყინვა მოიმატებს. დასავლეთ საქართველოს დაბლობში მოსალოდნელია -2 +3 გრადუსი, მთიან რაიონებში -3 -8, ხოლო მაღალმთიან რაიონებში -9 -14 გრადუსი.
    აღმოსავლეთ საქართველოს ბარში მოსალოდნელია ყინვა -9 გრადუსამდე. მთიან და მაღალმთიან რეგიონებში -15 გრადუსამდე, ზოგან კი -20-დან -22 გრადუსამდე.
    თბილისში უნალექო ამინდია მოსალოდნელი. ღამით ყინვაა -3 გრადუსი, დღისით ჰაერის ტემპერატურა 7 გრადუსამდე მოიმატებს.
    22 იანვარს საქართველოში უმეტესად უნალექო ამინდია მოსალოდნელი, ზოგან იქროლებს დასავლეთის მიმართულების ქარი. ჰაერის დღის მაქსიმალური ტემპერატურა 1-დან +6 გრადუსამდე იქნება. მთიან რაიონებში ტემპერატურა -2-დან +3 გრადუსამდე მოიმატებს, მაღალმთიან რაიონებში კი -2 -7 გრადუსი იქნება.
    26 იანვარს საქართველოში კვლავ არამდგრადი ამინდია მოსალოდნელი, მთიან და მაღალმთიან რაიონებში ნალექი თოვლის სახით იქნება. რაც შეეხება დედაქალაქს, აქ კვლავ დასავლეთის მიმართულების ქარი იქროლებს
    ვერძი
    მეტი დრო გაატარეთ თქვენთვის ძვირფას ადამიანებთან. კარგი დღეა უცხო ენის შესასწავლად. საღამოს ოჯახის წევრებს მხიარული ვახშამი მოუწყვეთ.


    კურო
    მოწყდით ცოტა ხნით კომპიუტერს და შეხვდით მეგობრებს, იმხიარულეთ. უსიამოვნების თავიდან ასაცილებლად საყვარელი ადამიანიც წაიყვანეთ.

    ტყუპი
    დაისვენეთ, გამოიძინეთ. შუადღის შემდეგ მოიწყვეთ შოპინგი მეგობრებთან ერთად. მათი რჩევები გამოგადგებათ.

    კირჩხიბი
    შუადღემდე სამსახურის საქმეები მოაგვარეთ. რომანტიკული შეხვედრა და სიურპრიზები საღამოს გელით.

    ლომი
    სასიამოვნო მომენტებით დატვირთული დღე გელით. საღამო საყვარელ ადამიანთან ერთად გაატარეთ, მოუწყვეთ რომანტიკული პაემანი.

    ქალწული
    კარგი დღეა კულტურულ ღონისძიებებზე დასასწრებად. საყვარელი ადამიანი მზრუნველობით აგავსებთ. იყავით მისი მადლიერი.

    სასწორი
    არ გაქვთ მოწყენისა და დამწუხრების მიზეზი. საღამო მეგობრებთან ერთად მხიარულ გარემოში გაატარეთ, მაგრამ მოერიდეთ ალკოჰოლს.

    მორიელი
    დღე ყველა მოგისმენთ და გაითვალისწინებს თქვენს ნათქვამს. საყვარელ ადამიანთან ურთიერთობისას იყავით მეტად მოსიყვარულე.

    მშვილდოსანი
    საინტერესო შეხვედრებით დატვირთული დღე გელით. საღამო რომანტიკისთვის მოიტოვეთ.

    თხის რქა
    კარგი დღეა პროდუქტების შესაძენად, მოიკითხეთ ნათესავები ან საყიდლებზე მათთან ერთად გაემგზავრეთ.

    მერწყული
    დღევანდელი დღე დასვენებს, საკუთარ თავზე ზრუნვას დაუთმეთ. რამდენიმე საათი ბავშვებთან ურთიერთობისთვის გამონახეთ.

    თევზები
    მოსაწყენად ვერ მოიცლით. საღამო საყვარელ ადამიანთან ერთად რომანტიკულ გარემოში გაატარეთ.
    მეცნიერულ სამყაროში ამ კვირას მითქმა-მოთქმა ატყდა უცხოპლანეტელთა მეგასტრუქტურის შესაძლო აღმოჩენის შესახებ. მოსაზრება უდავოდ დამაინტრიგებელია, თუმცა ჯეროვან სკეპტიციზმსაც საჭიროებს. წარსული გამოცდილებიდან ვიცით, რომ დროებით აუხსნელი ბუნებრივი მოვლენები ხშირად ეშლებათ უცხოპლანეტელებში. ქვემოთ იხილავთ რამდენიმე მაგალითს.
    1500 სინათლის წლის მოშორებით მდებარე ვარსკვლავმა მეცნიერები შეაცბუნა. ჟურნალისტი როს ანდერსენი „თჰე Aტლანტიც”-ში აღნიშნავს, რომ KIჩ 8462852-ს თითქოს გარს აკრავს „ობიექტების უცნაური დაჯგუფება”, რაც არამიწიერი ცივილიზაციის მაძიებელ მეცნიერებს აიძულებს, „უფრო ყურადღებით დააკვირდნენ მას”.
    ანომალიის შესაძლო ახსნა არის ციური სხეულების შეჯახების შედეგად დარჩენილი ნამსხვრევების მასიური და არარეგულარული ღრუბელი. თუმცა ჯეისონ რაითი, ეგზოპლანეტებისა და ასტრობიოლოგიის შემსწავლელი მეცნიერი, ეჭვობს, რომ ეს შესაძლოა დაისონის სფერო იყოს – უცხოპლანეტელების მიერ აგებული მეგასტრუქტურა, რომელიც მზის პანელებისგან შედგება და ვარსკვლავის გარშემო ორბიტაზე მოძრაობს.
    ფილ ფლეიტი შლატე-ზე აღნიშნავს, რომ ვარსკვლავის ქცევა ნამდვილად რთული ასახსნელია და „იქ აშკარად რაღაც უცნაური ხდება”. რომ დავაზუსტოთ, ეს ალბათ არამიწიერი ცივლიზაცია არაა, თუმცა მოსაზრება, რომ უცხოპლანეტელების ხელი ურევია, გამორიცხვას არ ექვემდებარება. მითუმეტეს, რომ უცხოპლანეტური არტეფაქტების – უფრო კონკრეტულად კი დაისონის სფეროების – ძიება შესაძლოა საუკეთესო მეთოდი იყოს არამიწიერი ცივილიზაციის ნიშნების აღმოსაჩენად.
    ეს აღმოჩენა გვახსენებს წარსულ შემთხვევებს მეცნიერების ისტორიიდან, როცა აუხსნელი ფენომენის განსამარტავად საქმეში უცხოპლანეტელებს რთავდნენ. ეს ერთგვარი ტენდენციაა ასტრონომების ნაწილში, როცა რაიმე მოულოდნელს ან თითქოს არსებული ცოდნის საზღვრებს მიღმა არსებულს დააკვირდებიან ხოლმე. მაგრამ თითქმის ყოველთვის თავდაპირველ ვარაუდებს გადასწონის უფრო გონივრული ახსნები, რაშიც ქვემოთ მოყვანილი მაგალითები დაგარწმუნებთ.
    მე-20 საუკუნის დასაწყისში ავტორიტეტულმა ამერიკელმა ასტრონომმა პერსივალ ლოუელმა პოსტულატად აიღო თეორია, რომ მარსის ზედაპირზე განვითარებული უცხოპლანეტური ცივილიზაცია ახდენდა მოსავლის მორწყვას წითელი პლანეტის პოლუსებიდან წამოსული წყლით, რაც საგულდაგულოდ დამუშავებული არხების ქსელით ხდებოდა.
    „ის, რომ მარსი რაიმე სახის არსებებით არის დასახლებული, ეჭვმიუტანელი მგონია, გაურკეველი ისაა, რას წარმოადგენენ ეს არსებები”, წერდა ლოეული 1906 წელს.
    ლოეულის შემდეგ დიდი დრო გავიდა, უფრო გულმოდგინე დაკვირვებამ კი აჩვენა, რომ მარსს ნამდვილად რთული და აქტიური ზედაპირი აქვს, მაგრამ არხები დროთა მსვლელობის შედეგად გაჩნდა და არა უცხო ცივილიზაციის მიერ.
    კიდევ ერთი მაგალითი პულსარების აღმოჩენა გახლავთ, ელექტრომაგნიტური რადიაციის საოცრად ზუსტი გამოსხივებები, რისი სათავეც ძლიერი მიზიდულობის მქონე, ღერძის გარშემო მბრუნავი ნეიტრონული ვარსკვლავებია. რადგანაც სიგნალებს მკაცრად განსაზღვრული და სწრაფი ინტერვალებით უშვებენ, ასტრონომების ნაწილმა ივარაუდა, რომ პულსარები სინამდვილეში განვითარებული უცხოპლანეტელების მიერ შექმნილი სასიგნალო შუქურები იყო. პირველად ისინი 1967 წელს აღმოაჩინეს. აღმოჩენის თანაავტორმა ჯოსელინ ბელ ბერნელმა განაცხადა:
    არ გვჯეროდა, რომ სხვა ცივილიზაციისგან წამოსული სიგნალი დავიჭირეთ, მაგრამ ცხადია, ამ იდეამ გონებაში გაგვირბინა და მაშინ არც იმის მტკიცებულება გვქონდა, რომ ეს სრულად ბუნებრივი რადიოგამოსხივება იყო. საინტერესო პრობლემაა – თუკი ვინმე ფიქრობს, რომ სამყაროში სადმე სიცოცხლე აღმოაჩინა, როგორ უნდა განაცხადოს შედეგების შესახებ სრული პასუხისმგებლობით?

    თავდაპირველი სკეპტიციზმის მიუხედავად, მათ პულსარს უწოდეს LGM-1, რაც იშიფრება, როგორც „little green men” (პატარა მწვანე კაცუნები).
    რა თქმა უნდა, სიაშია საყოველთაოდ ცნობილი სიგნალი Wow! – 72 წამიანი რადიოსიგნალი, რომლის სინამდვილეც თავიდან ძნელი დასაჯერებელი იყო. თუმცა რეალური აღმოჩნდა.
    National Geographic-ის ბლოგერი პატრიკ კიგერი მოვლენას ასე ხსნის:

    [ჯერი] ეიმანმა, ოჰაიოს სახელმწიფო უნივერსიტეტის ამჟამად გაუქმებული „დიდი ყურის” რადიო-ობსერვატორიის მოხალისე მკვლევარმა, ყურადღებით განიხილა ტელესკოპის მიერ რამდენიმე დღით ადრე, 15 აგვისტოს ცის დათვალიერებისას მიღებული მონაცემები. იმ დროს ასეთი ინფორმაციები ინახებოდა IBM 1130-ის მეინფრეიმ კომპიუტერზე და იბეჭდებოდა პერფორირებულ ქაღალდზე, შემდეგ კი ლაბორატორიაში მოწმდებოდა ხელით. თუმცა ამ რუტინით გამოწვეული მოწყენილობა უცებ გაქრა, როცა ეიმანმა რაღაც უცნაური შენიშნა – ვერტიკალური სვეტი ალფანუმერული მიმდევრობით „6EQUJ5″, რომელიც დაფიქსირდა ჩრდილოეთ ამერიკის აღმოსავლეთის დროით 20:16 სთ-ზე. მეცნიერმა წითელი კალამი მოიმარჯვა და მიმდევრობა შემოხაზა. ფურცლის მინდორზე კი მიაწერა: „Wow!”
    ამ, ცოტა არ იყოს, იდუმალი ინფორმაციით ეიმანის აღტაცების მიზეზი იყო „დიდი ყურის” იმდროინდელი მისია, რომლის ფარგლებშიც კოსმოსს აკვირდებოდნენ იმ ტიპის რადიოსიგნალების აღმოსაჩენად, რომლებიც შესაძლოა არამიწიერ ცივილიზაციას გამოესხივებინა, თუკი მათი მიზანი სამყაროს სხვა რეგიონში მცხოვრებ გონიერ არსებებთან კონტაქტი იყო. მშვილდოსნის თანავარსკვლავედიდან მომავალი ეს სიგნალი ეიმანისთვის სწორედ ასეთ სიგნალად ჩანდა. ობსერვატორიის დირექტორი ჯონ კრაუსი და მისი ასისტენტი ბობ დიქსონი, რომლებმაც შემდგომ შეამოწმეს მონაცემები, ანალოგიურად განცვიფრებულნი იყვნენ.

    სიგნალი, რომელიც 72 წამი გაგრძელდა, მეტჯერ აღარ დაუჭერიათ შემდგომში ჩატარებული კვლევების მიუხედავად. მისი ბოლომდე ახსნა ვერ მოხერხდა, თუმცა უფრო სავარაუდოა, რომ ის ბუნებრივი, უწყვეტი სიგნალი იყო ან ადამიანის მიერ შექმნილი არტეფაქტი.
    ახლო წარსულში ავსტრალიაში მდებარე პარკსის ობსერვატორიის ასტრონომებმა შენიშნეს მისტიკური რადიოსიგნალები, ცნობილი, როგორც პერიტონები.
    ეს ხანმოკლე, თუმცა ინტენსიური აფეთქებები, რომლებიც ერთი შეხედვით კოსმოსის სიღრმეებიდან იღებდნენ სათავეს, იმდენად უცნაური ჩანდა, რომ მეცნიერთა ნაწილმა ივარაუდა მათი უცხოპლანეტური წარმოშობის შესახებ. თუმცა მომდევნო კვლევებმა ეს მოსაზრება გააქარწყლა, აჩვენა რა, რომ სიგნალებს – გაგიკვირდებათ და – ასხივებდნენ მიკროტალღური ღუმელები, რომლებსაც ობსერვატორიაში ყავის გასაცხელებლად იყენებდნენ. უპს!
    ცხადია, უცხოპლანეტელების არსებობის ნიშნებს მხოლოდ კოსმოსში არ ეძებენ.

    ამოუცნობი მფრინავი ობიექტები, იგივე ამოები, ხშირად ასოცირდება უცხოპლანეტელთა დედამიწაზე სტუმრობასთან, თუმცა მსგავსი განცხადებების მხარდამჭერი ემპირიული მტკიცებულებები უბრალოდ არ არსებობს. თითქმის ნებისმიერ ასეთ შემთხვევას გააჩნია სრულყოფილი გონივრული ახსნა ბუნებრივი თუ ადამიანის მიერ გამოწვეული მოვლენების მოშველიებით.


    იყავით სკეპტიკურები

    KIC 8462852-ის უცნაური ქცევა შეიძლება ვერასდროს აიხსნას. უფრო გონივრული ახსნის წამოყენება რომ ვერ მოხერხდა, შეიძლება ჩვენი შეზღუდული ტექნოლოგიის, არასრული მეცნიერული ცოდნის ან წარმოსახვის ნაკლებობის ბრალი იყოს.

    თუმცა ოდესმე შეიძლება აღმოვაჩინოთ, რა ხდება სინამდვილეში და ეს მართლაც გასაოცარი ახსნა იყოს. მაგრამ მანამდე უნდა ვეძიოთ პრობლემის გადაჭრის უმარტივესი გზა, თან მზად ვიყოთ უფრო რადიკალური ვარიანტების მისაღებადაც. სხვაგვარმა დამოკიდებულებამ შესაძლოა ცუდი სამსახური გაუწიოს მეცნიერებას.